Бүгінде Қаратау тауының бөктерінде дүбірлі думан!

Көпшілік асыға күткен "Қызғалдақ мұра" халықаралық фестивалінде осындай ерекше көңіл-күй болмақ!

Фестивальда сіз ұлттық бие сауу жарысын тамашалауға мүмкіндік аласыз.

Жүлде қоры 1 000 000 теңге.

Қаз-қатар тізіліп тұрған биелерді сауудан ақ жаулықты аналар мен көктемдей құлпырған қыз-келіншектер арасында өткізілетін жарыстың куәсі болып, жаңа сауылған саумалдан дәм татып, ақ көбігі бұрқыраған бал қымызды дайындау процесінің куәсі болыңыз!

Сондай-ақ қазақтың көне дәстүрі -  "Қымызмұрындық" рәсіміне қатысып, тіл үйірер дала дәмін татыңыз!

"Қымызмұрындық" - қазақ үшін айрықша дәстүр! Табиғатты қайта түлеткен көктем мерекесі. Бұл мың дертке шипа болатын қымыздан алғаш ауыз тию рәсімі. 

Олай болса, келіңіздер, көріңіздер! Дәстүрімізді бірге ұлықтайық!